O desenvolvemento dunha identidade corporativa e a creación da marca son os eixos sobre os que xira toda estratexia de produto e comunicación. E un traballo que leva estudo e análise e precisa da visión e necesidades das persoas e empresas coas que nos involucramos para acadar finalmente unha solución atemporal e axeitada.

Unha proposta de deseño efectiva nace sempre dun traballo feito a medida e dun equilibrio consciente entre formalidade e expresión.

Os medios de comunicación impresos requiren da observación exhaustiva da forma, efectividade e funcionalidade para transmitir a mensaxe, non só importa o seu contido. Un correcto deseño e produción contribúen á mellora, síntese e xerarquía da información.

Son moitos os motivos polos que o vídeo na web pode axudar a empresas e institucións.

Un vídeo de marca permitiranos presentar empresas de modo ameno e efectivo. Unha demostración de produto ou servizo será máis doado de entender e requirirá un mínimo esforzo por parte do usuario. Vídeos de formación ou divulgativos poden aforrar moito tempo ó seu público obxectivo, acadando tamén que a mensaxe resulte máis próximo.

A multitude de usos da produción audiovisual e a súa efectividade fan que esté acadando gran popularidade como ferramenta para que as empresas proxecten a súa mensaxe dun modo atractivo e diferenciado da competencia.

O vídeo axuda a mellorar o posicionamento, é doado de compartir e incrementa o tempo de permanencia do usuario na web.

Un desenvolvemento á medida xeralmente non pode competir en prezo e en prestacións fronte a un paquete software estándar pensado para a nosa área de negocio, non obstante non sempre existe ese software no mercado ou ben partimos duns requirimentos moi específicos que os produtos estándar non cobren.

Para estes casos temos experiencia en programación de aplicacións á medida tanto web como de escritorio para ámbitos de negocio moi diversos.

Máis alá de aplicacións propiamente ditas calquera sitio web é susceptible de incluír funcionalidades non estándar que acheguen valor engadido ao sitio web: un buscador que localice resultados nun mapa, unha calculadora de presupostos, un xestor de solicitudes de emprego, unha área privada con contido para clientes...

A nosa dobre especialización en deseño e desenvolvemento de software fainos especialmente aptos para dar resposta a calquera destas necesidades non estándar.